هاى ياسهىامبارح حلمت حلم غريب قوى مش
عارف ايه ده يعنى
كنت فى الشغل وبعدين لقيت فى نمر واقف بعيد بيبص
عليه من الشباك ومركز جامد قوى فية وفجأة راح ناطط
وجه مسك إيدى بمخالبه
انا طبعا اتبليت وبقيت عامل زى عادل امام كده لما
قال ده انا بخاف من الكلب يطلعلى أسد
وجه صاحب الشركة وقف جنبى وطمننى وقاللى
هو مادام عمل كده يبقى بيحبك خليك معاه ومتسيبوش
انا طبعا مقتنعتش بالفكرة دى تماما وقلت
ده حيوان مفترس ازاى اخليه معايا
المهم طلعنا من الشغل سوا انا والنمر وبقى ماشى
جنبى زى مايكون بنى آدم ولبسته كمان قميص
ووفانلة تحت القميص وسميته المفاجأة
وبقيت بناديله بالمفاجأة وعرف ان
ده اسمه وكان بيكلمنى كمان
المهم كل ده انا كنت خايف وواخد
حذرى وعايز اخلص منه بأى طريقة
ووقفنا نستنى الأتوبيس اللى هيودينا البيت
وجه زحمة قوى
فركبته الأول وبقى واقف على باب الأتوبيس
واتأكدت انه ركب خلاص
فقلتله روح انت وانا هحصلك على طول
فبصلى بنظرة معناها انه فهم انى عايز أغدر بيه
فراح ناطط من الأتوبيس وهجم على دماغى
قمت طبعا مفزوع وولعت النور ابص لحسن
يكون فى دم على المخدة ولا حاجة من كتر
منا كنت حاسس ان الموضوع حقيقى
وقعدت دقائق مش مصدق انه كان حلم
عندك أى معنى للحلم العجيب ده ؟
التفسيـــــــــر
الصديق العزيز ميراج
حلم كله خير طالما انك لم ترى شكل الدم ولونه ، لديك اشارة واضحة وتحذير صوته عالى جدا ، من صديق يخالجك شعور مؤكدا تجاهه أنه غير صاف تماما وهو زميل فى العمل على ما اعتقد ، وهذا الزميل بالتحديد الذى يرافقك هنا وهناك ، هو غريمك او لنقل منافسك فى مجال عملك وتخصصك بالتحديد وانت رغم أنك شخصية قوية وعصبى ومركز قوى ، وقرأت شخصية هذا الزميل منذ اللحظة الاولى إلا انك استمعت لمدح الاخرين له ورؤيتهم الغير حقيقية لوجه النمر الحقيقى المختبىء خلف وجه القط ورغم شخصيتك المقلقة لمن حولك ايضا ، إلا انك احيانا تغلب عليك طيبتك وتتعاطف مع ناس يمثلون باتقان ادوار القطط وهم نمور ، احترس يا ميراج وصدق احساسك الأول بزميلك المتنمر لك ، احترس لانك تحتضنه وتسير معه وتصاحبه ، مع العلم انه هو نفسه لا يدرك انه يؤذيك بسلوكه وطريقته وخاصة عند صاحب العمل الذى ظهر فى الحلم متعاطفا معك ومعه فى نفس الوقت ، انت لديك صاحب عمل جيد جدا فى قرع الكؤوس ، احترس يا ميراج ، ولا تخف فحتى لو قرر أيذائك بوضوح كما فعل فى اخر الامر وقفز عليك لن يصيبك بشىء ، فأنت تسير فى طريقك أمينا وأمنا .. ولكن خذ حذرك
حلم كله خير طالما انك لم ترى شكل الدم ولونه ، لديك اشارة واضحة وتحذير صوته عالى جدا ، من صديق يخالجك شعور مؤكدا تجاهه أنه غير صاف تماما وهو زميل فى العمل على ما اعتقد ، وهذا الزميل بالتحديد الذى يرافقك هنا وهناك ، هو غريمك او لنقل منافسك فى مجال عملك وتخصصك بالتحديد وانت رغم أنك شخصية قوية وعصبى ومركز قوى ، وقرأت شخصية هذا الزميل منذ اللحظة الاولى إلا انك استمعت لمدح الاخرين له ورؤيتهم الغير حقيقية لوجه النمر الحقيقى المختبىء خلف وجه القط ورغم شخصيتك المقلقة لمن حولك ايضا ، إلا انك احيانا تغلب عليك طيبتك وتتعاطف مع ناس يمثلون باتقان ادوار القطط وهم نمور ، احترس يا ميراج وصدق احساسك الأول بزميلك المتنمر لك ، احترس لانك تحتضنه وتسير معه وتصاحبه ، مع العلم انه هو نفسه لا يدرك انه يؤذيك بسلوكه وطريقته وخاصة عند صاحب العمل الذى ظهر فى الحلم متعاطفا معك ومعه فى نفس الوقت ، انت لديك صاحب عمل جيد جدا فى قرع الكؤوس ، احترس يا ميراج ، ولا تخف فحتى لو قرر أيذائك بوضوح كما فعل فى اخر الامر وقفز عليك لن يصيبك بشىء ، فأنت تسير فى طريقك أمينا وأمنا .. ولكن خذ حذرك
هناك ٤ تعليقات:
والله كل شىء جايز
بس اللى انتى بتقولى عليه ده انه نفس تخصصى فى العمل هو فعلا انسان محترم جدا او ممكن أقول ان هو ده اللى بان لية لحد دلوقتى
بس انا بشكرك جدا على تفسيرك ده
وهاخده فى الأعتبار من هنا ورايح وهاخد حذرى زى مانتى قولتيلى
ميرسى قوى ياسهى على تفسيرك ده
ويارب يخليكى لأحلامى
عزيزتي سهى كل سنة وانتي طيبة انتي ونهى الصغيرة ونهى الكبيرة وبألف خير يا رب
.............
كل ما اشوف تفسيراتك للأحلام اللي بتوصلك ببقى نفسي أحلم ؟ يمكن لأني بقلي كتير مش حلمت حلم أصحى منه مبسوطة ؟ يمكن لآني حتى لما بحلم بصحى ناسية اغلب اللي حلمت بيه ؟ يمكن لأن تعبت من الفيران خصوصا في احلامي والتعابين ؟؟
نفسي أحلم يا سهى حلم رايق حلم أنا نايمة ؟؟ مش وانا صاحية وبتخيل او بتحايل على نفسي بحلم يقظة أقرب للسراب
تحياتي لميراج وربنا يحلي ايامها وايامك
تحياتي ليكي يا ساحرتي الشريرة
ميراج .. ربنا يحميك يارب ودائما تبقى احلامك سعيدة وكلها خير وحب وأمل وصراعات برضه ، ميضرش يعنى ، لها حل برضه .... احلام سعاتك اوامر يا فندم
نورسين الجميلة ....
اد أيه كلامك بيسعدنى قوى وبيحزنى قوى ، ليه يا نونو مش بتحلمى زى الناس ، عارفه بتبقى فين المشكلة ، فى حاجة من الاثنين ، يا بتسهرى طول الليل وتنامى بالنهار ، يا بتنامى صاحية ، اما الشىء الطبيعى اللى هو تنامى بليل عادى بهدوء دا واضح انه مبيحصلش ، لأنك مشغولة البال جدا طول الوقت ومهمومة بحد واجع قلبك وعقلك ، لأنه لو مريحه كنت هتنامى كويس وتحلمى كويس ، عموما احب اقولك على حاجة مهمة ، مفيش اى حد ولا أى حاجة تستحق انشغال البال الا انت انت بس ، فكرى فى نورسين وفى احلامها وفى امنياتها ، فى صحتها اللى فى النازل ، فى احباطها اللى مالوش داعى ، انت عايزا ايه من الدنيا ، لان مفيش وقت كتير قدامنا ، خدى بالك ، انجزى ، ومتخليش حاجة تعطل خطواتك ابدا ، ونامى ارجوكى نامى ، وعلى راى الست نجاة ، الكل بيقول ويمشى واحنا نسهر ما ننمش ، ههه، هى مش بتقول كدا ولا أيه ...تحياتى ليك يا قمر
إرسال تعليق