صباح الحب

حلم نبيلة

شوفت انى فى شقه فى منتهى الروعه بس فيها حاجات كتير مش بحبها زي السجاد و النجف ولون الموبيليا بس غرفة النوم والحمام لونهم روعه وعلي ذوقي جدا واهلي بيظبطوها وامي كلمتنى فى ودني روحى غيري هدومك كتب كتابك اليوم وانا مزهوله واقولها امي مين عريسي تقولي اللى شوفناه كويس ليكي ، روحت البيت لقيت فستان روعه ابيض فى اسود وشكله خطير وبحلم فى الحقيفه انى يكون عندي من جماله اتحممت ولبسته ولقيتنى فى المرايه حتة قمر نزلت مش عارفه رايحه فين بس شوفت نفسي فى مكان والناس كلها مبسوطه وواحد بيهمس بصوت قوي وخشن وبيقولى مبروك ياعروستى بتلفت ورايا لقيت ايد دافيه جدا بتطبط على كتفي وبتقولى دا اللى يستاهلك استنيه وبقوم مفزوعه جدا كل مره مش عارفه ليه مع انه مش مرعب اسفه انى طولت عليكي بس احلامي كلها مكرره وطويله وبتتحق بس انا خوفت انا ببعد جدا عن موضوع الحب والجواز والارتباط خالص وفى الواقع مش مرتبطه بحد ولا حاجه ..طمنينى لانى بديت اتضايق من الحلم دا نبيله الوكيل
التفسير
صباح الخير /نبيلة
اولا كل سنة وانت طيبة
عيد جميل وسعيد للمحبة
انت متوترة جدا جدا علشان فقدان الحب والارتباط حتى لو مش بالزواج ، انت حتى بتحاولى تقنعى نفسك ان الزواج مش وقته خالص وبتخلى نفسك تحلم جميل تلاقى فيه حاجة تهزك ، ربنا بيقولك اصبرى لان نصيبك اللى انت رافضاه ومش فاهماه لحد دلوقتى جايلك جايلك ، انت بتحلمى بحاجة لكن الواقع حاجة تانية خالص الابيض ف اسود دا خير عظيم ، لانه بيدل على انك شخص واقعى مش رومانسى بغباء ، فدا يخليك تختارى صح انشألله وكمان فى اشارات انك متقلقش من المستخبى حتى لو من النوع اللى بيترعب من بكرا ، وبداية الشقة اللى انت قاعدة فيها واللى كلها مش عاجباك الا الحمام والمطبخ ، برضه تاكيد على انك مش هاتلاقى كل اللى بتتمنيه فى شخص واحد لكن ممكن تلاقى بعضه بس وتبقى مبسوطة برضه على فكرة ارتباطك قريب جدا جدا والله اعلم .