الخميس، 20 سبتمبر 2007

همسة وحيدة تماما


هذه أحلام الصديقة الحالمة التى تشعر
بوحدة مؤلمة تخاف ان تطول
همسة

الحلم الأول

رأيت نفسى أمضى برفقة شريك حياتى فى المستقبل
وعلى يمينى شاطىء بحر وقد وضع يده على كتفى وتركته
وانا أحدث نفسى بذلك "غير المعتاد أن يفعل ذلك "
وقد كنت سعيدة

تفسير الحلم الأول

أنك تفتقدين كثيرا لمشاعر الحب الحقيقية ، حتى وان كنت
فى علاقة حب بالفعل فأن هذا الحب ينقصه افعال الشريك التى تدعم
احساس الحب الذى من المفروض انه يبثها لك ، بالطبع انت انسانة
رومانسية لأبعد حد ، اما شريكك فهو جاف تماما لا يشعر بكل
هذا الفيض الذى تمثل فى وجود البحر .. تمهلى فهو قادم

الحلم الثانى
مرة أخرى أنا بالبحر سعيدة وهو سيأتى بعد قليل وأنه حدثه

تفسير الحلم الثانى
أرأيت ألم أقل لك أنه قادم ، على فكرة ان من ترغبيه سيظهر
وسيأتى مهما تأخر وصوله ، هو فى طريقه اليك حتما ،
ولكن لا تتعجلى ولا تيأسى والحلمين هم اشارة واضحة
لتغير شىء جوهى في حياتك يحل محله هذا الشريك المنتظر
الرائع الذى سيريحك من الالم ...ولكن الصبر يا همسة

الحلم الثالث

غريب خير يعنى أن فى لبس أرتديته وبعد غسيله وجدته
قد قطع بس فى الواقع أنا خفت على اللبس ده من تأثير الغسالة
عليه يمكن يكون فى عقلى الباطن ولا أيه ...

تفسير الحلم الثالث

طبعا ممكن يكون الواقع بما انك فكرت اصلا فى خوفك
على الغسيل من الغسالة يكون له تأثير عليك لما نمت فعقلك
الباطن اشتغل فى الموضوع ، لكن لو فسرناه على انه حلم
وليس أضغاث أحلام ، فأنا أحذرك تماما من شخص يحاول
التودد لك وأقناعك بانه ملائم تماما لك وانت تشاورين
عقلك ، وكدت تلبيسنه أقصد توافقين عليه بالفعل ولكنه
ولله الحمد أتقطع أقصد أنكشف لك فورا ، على فكرة يا همسة
أنت قريبة جدا من الله سبحانه وتعالى وترين قبل ان تعيشين...
هاتعيشى مع اللى هاتحبيه ...
مفيش غير كدا لأنك متعرفيش تعملى غير كدا ...
والله الموفق وأعلم ...

الثلاثاء، 18 سبتمبر 2007

احلام مسروقة حتى فى الحلم

أخيرا
بدأت الاحلام فى الوصول لمقرالساحرة الشريرة
كم انتظرت منذ بدء مشروعها أن يدق بابها الحالمين ، وهاهى
الاحلام قد بدأت فى التوالى
أول حلم جه من الدكتورالرائع زين عبد الهادى
وهو حلم يخص احدى صديقاته
الحلم الاول
وصل الاثنين 17/9/2007

"حلمت إني بأطير من غير جناحات، كل يوم أحلم نفس الحلم
أقوم وأرجع أطير، والغريب إني مبأقعش خالص" لكن مرفرف..
مرفراااااف"بس خلاص
التفسير
صاحب الحلم نفسه يطير فعلا ، بمعنى ان عنده امنيات

كتير نفسه يحققها ومش قادر لأن امكانياته مش مساعداه
على تحقيقها ، لكنه عنده اصرار شديد على تحقيق احلامه
ومش هيستسلم ابدا ودا تفسير انه بيطير من غير جناحات ،
الطيران هو الاحلام ، وقلة الحيلة هى الجناحات الغير موجودة
ومعنى انه مبيقعش رغم انه من غير جناحات انه لا ييأس ابدا ...
صاحب الحلم عنده ارادة حديدية ولا تهزمه جناحاته المبتورة

الحلم الثانى
وصل الثلاثاء 18/9/2007


هاى سهى
كل سنة وانتى طيبة ورمضان كريم
انا بعانى من كوابيس بتتكرر بس مش بشكل يومى ودايما بتبقى
مختلفة ومتنوعة
رغم انها بتقومنى منزعج بس مقدرش انكر انها بتسلينى وانا نايم
بس الكابوس اللى بيتكرر يمكن من
وانا طفل صغير ولحد دلوقتى هى ان بيتنا بيتسرق
وفكرة السرقة واحدة بس بتتكرر بأشكال متنوعة
يعنى مرة الحرامية يدخلوا علينا واحنا نايمين ومرة
يضربونا بالنار ومرة نرجع نلاقى البيت مسروق
بس فكرة الحرامية دى انا حاسس انها بقت جزء
لا يتجزء من احلامى وبقيلها سنين تقريبا
تفتكرى ده يبقى ايه ؟
Mirage

التفسير

عزيزى ميراج من الواضح انك شخص مرتبط قوى ببيتك
وبأهلك ومن الواضح برضه ، ان عندك احساس بالخوف من بكرا
لا نهائى ،معندكش احساس بالامان عموما فى الحياة ، ورغم حبك الشديد
لبيتك اللى انت مرتبط بكل حتة فيه واهلك اللى انت بتحبهم قوى ،
الا ان فى حاجة راحت منك وانت صغير خوفتك لغاية دلوقتى
انك تحس بالامان فى البيت ... وتفسير الحلم بيقول انك مش
هاتتسرق ابدا ابدا ومحدش هايخد منك حاجة ، مش عشان عكس الحلم
لا عشان الحلم اساسه احساس بالخوف من بكرا من شخص حريص
قوى على بكراومهموم قوى بالسياسة فكرة
السرقة والضرب بالنار والحرامية
دا معناه ان فى هم قومى شغلك قوى ...ومش قادر تعمل فيه حاجة
بمعنى اوضح بعد كل دا الحلم مجرد خوف من بكرا

والله أعلم


الثلاثاء، 4 سبتمبر 2007

أبين زين

ننام ، تداعبنا افكارنا التى ارهقتنا طول اليوم ورغباتنا التى راوغتنا حتى ارهقتنا ،
ننام ولا ننتبه ان النوم ليس بالضرورة راحة وكذلك ليس بالضرورة ان يكون كابوسا منتظرا ،
بل ننام تغطينا شاشة بيضاء
من عند الله أرسلها علينا مؤقتا حتى نعود غدا فى الصباح من رحلتنا الليلية ...

كل واحد فينا بيحلم ، مفيش حد مبيحلمش الا ناس اكيد معرفش عنهم حاجة ،
لكن المؤكد ان الحلم هو اقدم حياة تانية فى التاريخ ،
احنا بنحلم اللى عايشينه واللى نفسنا نعيشه واللى عشناه بالفعل ،
بنحلم ببكرا وبعده وبينا وبغيرنا ،
من غير سبب لما بنموت موتة الليل بنطلع لدنيا غريبة منعرفهاش ،
الوحيد اللى يعلمها احنا بس لكن لاننا مش كلنا نقدر
على نفسنا مبنعرفش نفسرها لنفسنا
انا بحاول اكون قدر الدنيا الغريبة دى بكل مافيها وبدعى انى
يعنى من الآخر كدا انا بفسر الاحلام ، اللى مصدقنى يبعتلى حلمه
أو صورته لو عايز بس يعرف حاجات عن نفسه زى ما اتفقنا مش قادر يقولها لنفسه ، وانا هاعمل دا بس




لازم قبل ما تبعتها تبقى متأكد ان محدش هايعرف حاجة غير أمة لا إله الا الله بس ....
على فكرة يمكن ارسال المادة المطلوبة على ايميل المدونة او على
soha_gom@hotmail.com

أحلام سعيدة