وادى طبق كحك وبسكويت وبيتى فور وغريبة من صنع ايد الساحرة الشريرة بالهنا والشفا
كل سنة وانتم بتحلموا بكل الاحلام الجميلة وكل سنة وانتم بتحققوا كل الاحلام الجميلة
لكـــــن
قبل ما تحلم فوق احلم وانت فايق
قبل ما تطلع فوق انزل للحقايق
جايز حلم فى غمضة عين
عايز يتحقق فى سنين
وجايز يبقى الحلم اتنين
وتحققهم قبل دقايق
كلنا بنتمنى الحب والخير والسعادة والرزق والامان لنفسنا ، ارجوكم بحق الايام المباركة نتمنى حاجة مهمة قوى فوق كل الامانى دى نتمنى ان ربنا يدينا طاقة تسامح وعفو تقوينا وتخلينا نحس بالحب والخير والسعادة والرزق والامان لغيرنا
يارب
كل سنة وانتم بجد سحرة طيبين مش زى سهى الساحرة شريرة
يارب
كل سنة وانتم بجد سحرة طيبين مش زى سهى الساحرة شريرة
هناك ٦ تعليقات:
وانتى طيبة يا احلى ساحرة شوفتها
انا اول مرة اجيلك بس تسابيح دلتنى عليكى علشان تفسريلى حلم
انا مش عارفة المفروض اعرضه عليكى فين انا هعرضو عليكى هنا وانت تظبطيه زى ما انتى عاوزة يا ستنا الساحرة
الحلم هو دا اما الكابوس مش عارفة
ادركت بأن بيتى ينشق نصفين والمياه بدأت تتسرب وكأنه ظهر لسفينة تكسرت نصفين بفعل العوامل الزمنية واخذت ألمالم حاجتى بشتات غريب وخوف من المجهول ومن المفاجأة ولا أ‘رف ماذ اضع فى حقيبتى وظهرت أمامى فجاة صديقة لى لا تخذلنى عادة إن احتجت إليه وعلى ملامحها كل التعاطف والقلق لأجلى ووجدتها تلملم لى اشيائى التى لا اركز أن احملها وتساعدنى فى التنقل من النصف الذى امتلا بالمياه والذى قد أوشك على الغرق وفى نفس اللحظة ظهرت أمى امى فجأة وكأنها كانت خارج المنزل أو السفينة كما رأيت لا أدرى تقول لى لا تخاف لقد وجت لنا غرفة صغيرة عند إحدى جيرانان القدامى التى دوما أيضا لاتخذلنا إذا احتجنا إليها فى نفس اللحظة تذكرت أن الغرفة المقابلة يقنط بها أحد ولا اتذكر من هم فتحت باب الغرفة لأحذر من بها وجت ثلاثة 2 من زميلاتنى وواحد ولا اعرفه ولكنى اعرفهم جديد نظرو إلى بنظرة غريبة وببتسامة أوجعتنى لماذا لا أعرف ولكنى قمت بتحذيرهم بأن المكان يغرق وان الحجرة أو هذا الجزء من السفينة قد أخذ فى الميل بعض الشئ فقامو ببعض الفزع الهادى أو المتصنع لا أدرى وفى نفس اللحظة اذدادت دقات قلبى سرعة وخوفا فحملتنى امى على كتفيها وأخذت تهرول بى يمينا ويسارا ويزداد الجو رعبا ويتزداد حالة الاضطراب خارج المنزل وفجأة رأيت رجلين احدهما شعره زاحف للوراء وضحكاتهم مروعة لى وبوق السفينه أره من بعيد وصوت نفيرها القوى يدوى فى سكون الليل المرعب وأنطلقت السفينة كأنها صاروخا واخذوا الرجلين يلقون داخل المنزل بقذائف من النيران على البيت كله عامة وعلى أنا خاصة فى مواجهتى وانا أفكر فى كيفية الهروب والخروج لسيارتى فى الخارج وفجأة أتت تجاهى زجاجة بها نيران ولحسن حظى جاءت وراء رأسى مباشرة ولم تلسعنى ووجدت عندى شجاعة ومسكتها بيدى وأنا اردد بلسانى لا الله إلا الله لا إله إلا الله واردهها بقوة غريبة وقررت إلقاء الزجاجة على الرجل زاته واريد ان انطق وما رميت إذ رميت ولكن الله رمى ولكن لسانى لم يستطع ينطقها وكانها تعلقت بحلقى ولكن عقلى أخذ يرددها وألقيت بكل خوفى وقوتى الزجاجة على الرجل فحرق شعره وابتسم واسرع بالهروب واستيقظت من نومى وانا أردد الحمد لله الحمد لله وكان الدموع عالقة بين جفونى وجلست على سريرى وبكيت من ماذا لا أعرف ثم نمت مرة اخرى ولم احكى هذا الكابوس لامى ولا يوجد عندى الرغبة فى الحكى لا اعرف لماذا ايضا.
وفى النهاية كل ما علق بذهنى هو خوف صديقتى على وبرود الاخريات وحمل امى لى على كتفيها وعدم قدرتى على قول وما رميت اذ رميت ولكن الله رمى ونطقى لها بقلبى وعقلى وترديدى كلمة لا إله إلا الله
لو حد عنده تفسير يفسر
هستنى ردك فى المدونة بتاعتى الى انا حكيا فيه الكابوس
انا عارفة انى هتعبك تسلمى
وكل سنة وانت ساحرة جميلة وطيبه
العزيزة سهى
أولا كل سنه وانت طيبة ياأحلى أم في الدنيا وأخبار نهنوهتي الصغيرة إيه.. أنا شايلها العيدية على فكرة
ثانيا هل القصة اللي قريتها في أخبار الأدب الأسبوع ده بتاعتك ولا ده تشابه أسماء.. فطميني!
أنا قاعد أقرأ تفسيرك للأحلام ومابأعلقش لأنه عاجبني الكلام، وأي كلام يتقال هش هايضيف لنصك الذكي..
تحياتي وكل سنه وانت طيبة انت وقمورتي الصغيرة!
يا أطول عنوان مدونة فى الدنيا " عندما انتهيت من صنع سفينتى ..جف البحر
حاااااااااااضر أنشألله بكرا يكون عندك الرد على المدونة ... ويارب استر
يا اجمل د.زين عرفته فى الدنيا فين ياعم العيدية دى مشفناش حاجة يعنى ، وأيوووووون القصة بتاعتى والختمة الشريفة بتاعتى يارب تكون عجبتك يارب ويارب دايما تفسيراتى تعجبك ... بوسة اااااد كدا لتسابيح
عزيزتى سهى كل عيد وانت بنوتك بخير
بضم صوتى لصوتك ودعائى لدعائك وبقول يارب يارب يعطينا قدرة على التسامح حتى يظل قلبنا عامرًا بالحب
ولك منى كل التحية
الصديقة الجديدة ايمان
اشكرك على تحيتك ونورتى بيت السحرة واحلام سيادتك اوامر يا فندم
إرسال تعليق